Campaña de animación á lectura 43

Libros de fondos de pantalla de Vladstudio.



Vía antonioxalonso.

Mañá de sol e croissants

Dúas cativas espertaron a todo o edificio, os seus principios altruístas puxeron os croissants quentes na porta. No dormitorio, o Sol fixo seu o leito.
[Fotografía de X]

Preguntas do Blogomillo

Andaba eu a pensar no asunto este dos blogs, en Eva e Adán e esas cousas e xurdíronme unha serie de preguntas ás que non souben dar resposta, agardo que algún dos paseantes da Selva poida quitarme da intriga.

1. Quen foi @ primeir@ blogomilleir@?
2. No caso de que fose home o primeiro blogomilleiro, quen foi a primeira blogomilleira?
   
3. Quen é @ blogomilleir@ en activo máis antig@ na actualidade?
4. Hai algún estudo no que se indique aproximadamente a porcentaxe de blogomilleir@s atendendo ao criterio do sexo?
5. Coñécese a porcentaxe de blogs feitos en Galicia atendendo ao criterio da lingua empregada?

Agradézolles por adiantado a súa colaboración.

Mapa procedente da Guía de Información Académica e Profesional.

Campaña de animación á lectura 42

Esta semana

Prata

[Fotografía de Janesdead.]

Paseando por Chove en ningures, atopei o outro día que Mr Tichborne se puxera a enfiar palabras e lle saíra Prata, un texto breve sobre unha situación cotiá cuxa lectura lles recomendo.

Descuberta musical

[A imaxe é o logo de Komunikando]

Parece que os amigos da Pirámide lle deben a isto do blogueo unha descuberta musical, confeso que eu tamén sufrín o mesmo proceso. Grazas ao blogomillo puiden acceder a un mundo totalmente descoñecido da música galega e agora nomes como A Regueifa, Sono-Tone, Komunikando ou RadioGaliza teñen o seu propio cartafol nos meus marcadores.

Aborto

Eu tamén abortei.

Pola consecución dun dereito fundamental.

Vía A Nosa Terra.
Vía Vieiros.

Caixa

Explorando recunchos alleos

Peke amósanos hoxe xenerosamente parte do seu recuncho, e coa naturalidade que lle é propia resume a relación lectora e libreira.

Mazás tivesen as maceiras

Esta Selva é tan rica que andan as mazás polo chan e pódeas apañar quen queira.
Hainas para el,
para ela
e para el tamén.

E vostedes pensarán a que vén tanta mazá, pero é que os paseadores desta Selva non se conforman con calquera cousa, non, non, sonlles ben tiquismiquis, e mentres as árbores da Selva vaian portándose, por mazás non ha de ser.

As mazás de Eva

[Fotografía de Nick Koudis.]

Hoxe tócalle ir mercar mazás. Elixe sempre mazás vermellas, deliciosos froitos edénicos creados para tentar e alimentar saudades prófugas doutros.
Hoxe confundiuse coa compra e trouxo unha mazá de menos. Era a túa.

Autonomía

Delicioso cando te ispes e te autoabasteces.

Campaña de animación á lectura 41

[Juan Gris: Guitarra ante o mar; 1925]

Inxustos con Rodríguez

Ese é o título dunha columna de opinión publicada o venres por Manuel Rivas en El País. O último parágrafo do texto di:

"É certo que a do nacionalismo galego contemporáneo é unha historia, ás veces, pouco piadosa e exemplar. É certo que, ás veces, as peores puñadas téñense dado entre compañeiros e irmáns, malgastando as forzas e o tempo. Mais hoxe é de xustiza falar dun tempo comparativamente mellor. Beiras, Nogueira e Rodríguez son de madeira distinta, mais de madeira nobre. Como políticos, como docentes, como investigadores, teñen dado froitos que enriquecen o seu país. Qué recibiron por parte de moitos condutores de opinión na propia terra? Ignorancia e mal trato. Couces."

Subscribo plenamente estas palabras, iso si, engadiría algúns nomes máis e non necesariamente das mesmas siglas, entre os que habería tamén algún que outro de muller.
Decátome de que este é o ano de Curros e volvo a vista atrás e vexo a Francisco Rodríguez en 1978 falándonos do celanovés de forma entusiasta e logo achegándonos a unha compañeira e a min no seu coche ata a casa.
Dende aquela uns cantos encontros, o último en 2005, chegou tarde porque viña de Madrid, só permaneceu unha hora porque tiña que marchar cara a outro compromiso, non importou, contábase con el e alí estivo.

Campaña de animación á lectura 40

Oxímoron

O señor Kaplan volve do retiro do nadal deixando as cousiñas claras. A partir dunha caricatura de El Roto converte o seu último post en Robinson en Ithaca nun verdadeiro exercicio de estilo que de seguro lles provocará un sorriso amargo.

Campaña de animación á lectura 39

Un inocente pitiño

Nese labiríntico percorrido polas compras desmesuradas atopei estas personaxes que me lembraron ao noso querido Petit Poyon e a súa familia.

Mireinos, sorrín e sentín certa nostalxia inexplicable.
Saúdos, boa sorte e moito millo onde queira que píe agora.

A sala reservada do Prado

Para comezar tráiolles unha entrada titulada A sala reservada do Prado de Marcos Valcárcel en As uvas na solaina na que fai un percorrido por esa estancia na que durante séculos a visión de certas obras pictóricas estivo reservada aos ollos duns privilexiados monarcas.
[Imaxe: Susana no baño de Tintoretto.]

Recomenblogueando

[Imaxe de Aixado]

Comeza na Selva un novo apartado que se agrupará baixo a etiqueta "Recomenblogueando" onde pretendo recoller para a súa información e deleite a referencia a aqueles post que vaia atopando noutros blogs e que segundo a miña opinión merezan ser divulgados.
Sei que iso de metabloguear está moi mal visto, sinceramente, non me importa, prefiro compartir aquilo que valoro.

Xogadora

Se non xogas nunca vas poder gañar.
Ou o que é o mesmo...

quem não arrisca, não petisca.

*Entrada inspirada por Cidadán Anónimo e mellorada coa colaboración de La Queue Bleue.

Expectativas

Comezo este ano chea de expectativas, espero que o paso demorado dos días non se encargue de botarmas por terra.

Nova imaxe

Nova imaxe para o novo ano.