O listo

Sabe de todo, entende de todo, sempre cala ao experto e o que é peor, el xa o sabía... Sempre o sabía.
O listo é un tipo insoportable que normalmente o destino coloca na túa vida de tal forma que non hai maneira de esquivalo.
Este individuo ademais dedícase a soltarlles a uns e a outros catro frases lapidarias, sempre as mesmas, que nin sequera son de colleita propia, non, non... Pero vai máis aló, e chega un día en que oes que conta, como se se tratase dunha investigación propia de anos de duro estudo, unha frase túa, e descobres que o listo te está plaxiando...e ferve o sangue.