Canso

Onte estabas tan canso que te confundín co colchón.

Memory of the Future

Evasión

Foder

Hoxe só foder, abstéñanse pelmas obsoletos con ínfulas culturetas, para o outro xa teño os libros.

FOLGA XERAL

BANG!

Esta é a última vez que deixas levantada a tapa do váter.
Morre covarde!
BANG, BANG!

Lectura automática

Leo de forma totalmente automática mentres o meu cerebro ensaia mesturas imposibles de pensamentos paralelos, poderíaseme monitorizar e non se apreciaría nin unha soa alteración: os latexos, a suor, as meniñas dos ollos, a presión sanguínea e a voz mantéñense mecanicamente estables. Un par de páxinas máis e saberei datar con exactitude o texto mentres enfío estas palabras. Coa crise de comezos de século perdín o traballo e para non caer nunha depresión comecei a ler todo o que se me pasaba por diante. Un día, na web do ministerio da guerra publicaron a convocatoria desta praza temporal. Si, son moitas horas, xa o di todo o mundo, mais o traballo non mata. Seino, non é ocupación para calquera pero tamén ten moitas vantaxes. A subministración de osíxeno 100% puro garántencha de balde no período de contratación, incluídas as horas extras. Cada dúas páxinas tes dereito a un grolo de auga que podes ir acumulando segundo as túas necesidades e levar o sobrante para a cela. Escolles ti as lecturas no repositorio central sen pasar os controis da calidade lectora e concédenche permiso nas horas de traballo para tocar sen luvas. Si, a min tamén me estrañou moito isto e preguntei se habería algún peligro, aseguráronme que non había risco ningún, seica poden percibir o paso das xemas dos dedos polo papel e mais o seu olor. E o máis importante, os mortos daquel verán non podrecen.

2 meses de cine de 2012 (setembro e outubro)

10 (Podería volver a vela mil veces. Esta é das miñas)
¿Qué fue de Baby Jane? (1962)

9 (Para lembrar, para volver a ver, para gozar diante da pantalla)
De repente, el último verano (1959)

8 (Tes que vela)
El color del dinero (1986)
El lector (2008)
La mujer del cuadro (1944)
Las chicas de la sexta planta (2010)
Maurice (1987)

7 (Lémbrame que debería ir máis ao cine)
A.I. Inteligencia artificial (2001)
Edward, mi hijo (1949)
El hombre sin edad (2007)
Profesor Lazhar (2011)
También la lluvia (2010)
Una mente maravillosa (2001)


6 (Veña, si, por haches, por bes ou por cetas, si)
4 Lovers (2010)
El Estado de la Unión (1948)
La mala semilla (1956)

5 (Non ocupar nin unha neurona lembrándoa)
Cuando te encuentre (2012)
El fraude (2012)
El invitado (2012)
Ellas (2011)
Interferencias (1988)
Los Kennedy (2011)

3 (Mala)
Al cruzar el límite (1996)
De Nicolás a Sarkozy (2011)
Elizabethtown (2005)
Lío en los grandes almacenes (1963)
Magia más allá de las palabras (2011)
Una cara con ángel (1957)


2 (Sinxelamente insoportable)
Adiós a la reina (2012)
Aroma y sensibilidad (2011)
El mundo es nuestro (2012)
Encerrada (2010)
Los infieles (2012)
¡Por fin solos! (2012)
Una bruja en Nueva York (1991)

1 (Antes morta que volver a vela)
En qué piensan los hombres (2012)

Diluírse na selva

Que fermoso sería desaparecer aquí, diluírse na terra húmida da selva. Confundida coa chuvia acabada de caer, forte, agresiva, posuída pola autodestrución e aínda así rodeada destas pequenas miniaturas de pracer como quen pon unha rosa fresca nas mans inertes no cadaleito branco da meniña morta.

Canto amor habería en escoitarmos xuntos por primeira e última vez a rapsodia de Rachmaninoff!

E que fermoso sería que ti me quixeses acompañar nese último exhalo de vida antes da soidade eterna!