Saltamos as agullas do reloxo

Saltamos as agullas do reloxo que marca

como se pasa a vida.

Casualidades e voltas

As casualidades fan que se produzan dúas voltas o mesmo día.

Fotografía en Flickr de Murcianico.

As dúas
   ...foron motivadoras de bos momentos no pasado.
   ...están protagonizadas por homes.
   ...reflicten vidas interesantes.
   ...son motivo de alegría.
   ...son desexadas.
   ...fanme pensar.
   ...intríganme.
e aínda así non teñen nada que ver a unha coa outra.

De blogues e redes sociais

Un blogueiro activo, que cumpre hoxe catro xaneiros e ao que felicitamos desde a Selva, quéixase de como outros formatos máis áxiles o afastan do costume de alimentar a súa páxina. 

As redes acabarán cos blogs? Quen sabe, probablemente si, de feito, xa o están facendo. Os blogs reséntense e ven impasibles como os comentarios doutrora xa non se producen neles senón nas redes sociais, isto amola, vaia que se amola! 

Era divertido ler posts atrasados cos seus comentarios e mesmo achegarte silandeira e atopar as túas letras onde nin sequera lembrabas ter estado. Agora todo desaparece cara abaixo coma se fose cara ao inferno neses muros deslizables sen fin polos que se perden as nosas liñas. 

Xa nin sequera paseamos polos espazos amigos, sindicados, abonda con entrar no noso lector para estar ao día das novidades. Elas, as redes sociais, apostan pola velocidade canto máis vertixinosa mellor e os blogs pola permanencia e, nos menos dos casos, pola reflexión demorada. Supoño que os blogs existirán mentres se manteñan as dúas necesidades e non caiba todo nos 140 caracteres dun tuit. E cando así sexa, desde a ventá do pazo, deámoslle a benvida á locomotora dos novos tempos.

o 21 FOLGA e todos a COMPOSTELA

Deixemos as aulas baleiras o día 21

[Fotografía de Gznacion]

que queden nelas os que non queren ser de ningures e o noso silencio, porque a nosa voz estará en Compostela berrando

coa
na
pola

nosa lingua.

Entullo

Etxe baten hondakinak (Bermeo), orixinalmente cargada por Barrenetxea (Argazkiak | Fotografías | Photos).

Seino, imponse unha entrada.
Afortunadamente non teño responsabilidades políticas e non se me esixe un titular inmediato inexistente.
E penso, e non sae nada, realmente aínda non teño nada construtivo que poida dicir.

Novo príncipe

Fogos artificiais, orixinalmente cargada por alekspression.

Hoxe H. xa estaba farto de ser transportado na barrigola de súa nai e decidiu abandonala tres semanas antes do previsto.
Antes da medianoite, sen atender á medicina nin á lúa, o meu novo sobriño nacía para emoción e alegría de todos.
Saúde e fortuna para o noso novo príncipe.

Espelliño, espelliño máxico...

Interactive Mirror from Alpay Kasal on Vimeo.

Vía Capítulo O.